Amerika pezullon vizat për Shqipërin dhe Kosovën por jo për Serbinë ?

Një vendim i papritur nga Shtetet e Bashkuara të Amerikës ka krijuar një situatë paradoksale në Ballkanin Perëndimor. SHBA kanë shpallur një listë me 75 vende të botës, procesimi i vizave për të cilat do të pezullohet për një afat të pacaktuar.

Sipas raportimeve, ky vendim prek drejtpërdrejt dy vendet më pro-amerikane në rajon. Shqipëria dhe Kosova janë përfshirë në listën e 75 vendeve ku procesimi i vizave do të ndalet. Ky pezullim vjen si pjesë e një goditjeje të gjerë ndaj emigracionit, e ndjekur nga presidenti republikan Donald Trump që nga marrja e detyrës.

Ndërsa vendet aleate të SHBA-së përballen me kufizime, situata paraqitet ndryshe për fqinjin verior. Paradoksalisht, Serbia është i vetmi vend nga gjashtëshja e Ballkanit që nuk është përfshirë në këtë kufizim. Ky fakt ka ngritur debate, duke qenë se Serbia njihet si e vetmja aleatja e Moskës në rajon që mbetet jashtë listës së pezullimit.

Rregullat e reja vijnë pas një premtimi të hershëm të Presidentit Trump. Në nëntor, ai kishte deklaruar se do të pezullonte përgjithmonë emigracionin nga “Vendet e Botës së Tretë”. Ky reagim erdhi pas një incidenti të rëndë pranë Shtëpisë së Bardhë, ku një shtetas afgan qëlloi për vdekje një pjesëtar të Gardës Kombëtare.

/joq