Ambasadori i Maqedonisë së Veriut në Odën Kërçovare në Zvicër

Dispora e Kërçovës

Ambasadori i Maqedonisë së Veriut, Shkëlqesia e Tij, z.Rexhep Demiri i shoqëruar nga kërçovari, Florim Useini, veprimtar i njohur jo vetëm në diasporë, mbrëmë ishin mysafirë në Odën Kërçovare, ku ishin në mesin e mërgimtarëve për të bashkëbiseduar e kënduar për një ditë të madhe, kur vëllezërit tanë nga Kosova po e fillojnë ditën për të votuar për zgjedhjet parlamentare të 9 shkurtit.

Kur është Kosova mirë e gjithë Evropa Juglindore është mirë, kështu thojnë kërçovarët. Ambasadori Demiri ka raporte të mira me të gjithë vëllezërit e një gjaku e gjuhe që jetojnë e veprojnë në Zvicër. Përpos që po e kryen punën e tij me shumë vullnet e përpikshmëri ai nuk po ndalet duke bërë ura uniteti për të mirën e përgjithshme.

Ja se si e përshkruan këtë ndej vëllazërore të kësaj fundjave, z.Florim Useini:
“Sonte, me miqtë në Odën Kërçovare Të nderuar miq, shpesh më thoni se në Maqedoni nuk kemi më oda burrash, por sonte pata kënaqësinë të jem pjesë e një neje të vërtetë në zemër të Zvicrës – në Odën Kërçovare.

Një ambient ku tradita ruhet me përkushtim, ku kënga jehon si në vendlindje dhe ku muhabeti kërçovar ngroh shpirtin. Ishte një ndjenjë e veçantë të isha në mesin e bashkëvendasve, aty ku historia dhe kultura jonë gjejnë vazhdimësinë e tyre, pavarësisht largësisë.

Kënaqësi e madhe që në këtë mbrëmje të bukur isha në mesin e miqëve si: Ambasadori i Maqedonisë së Veriut në Bern, si dhe disa miq si afaristi z.Rexhep Demiri, Ngadhnjim Sadiku, Kastriot Iseini, mysafiri nga Amerika Nuredin Ajdini-Mullejni, Haki Ajrola, Gazmend Limani, Elham Duraku, Ismail Emini, Mefmet Çupi, Naser Emini, Imet Ramazani, Bashkim Baftiri dhe udhëheqësi i Oda Kërçovare në Zvicër, Argjend Lika.

Një natë që më kujtoi edhe një herë se atdheu nuk është vetëm një vend në hartë, por një ndjenjë që e mbajmë me vete, kudo që jemi! Miqësisht, Florim Useini“.

Ambasadori Demiri në Odën Kërçovare bashkëbisedoi edhe për hallet që i ka mërgata shqiptare dhe i ofroi që të investojnë në atdheun e tyre që të ulin papunësinë duke e ditur, se diaspora është dhe mbetet shumë e respektuar edhe për Maqedoninë e Veriut duke e ditur, se një numër i popullatës janë nëpër diasporë.