Aliu: Kërkojmë model zgjedhor i cili do të garantojë përfaqësim të drejt..

Nënkryetari i partisë, Alternativa, Lulzim Aliu, sa i përket ndryshimit të modelit zgjedhor, tha se ata janë pro modelit me tetë njësi zgjedhore.
Ai tha se modelet që janë praktikuar prej viteve 90’ e këndej nuk kanë qenë të qëlluara. Sipas tij, ideja kryesore është që modeli zgjedhor të reflektoj përfaqësim të drejtë. Ai tha se nuk mund të gjenden një palë zgjedhje të cilat janë pranuar dhe nuk ka pasur kontestime.

“Po të marrim numrin e deputetëve shqiptarë mund të shohim se nuk korrespondon me numrin e popullatës shqiptare. Pavarësisht se cili model, përfaqësimi të jetë i drejtë. Shqiptarët aq sa janë, aq të përfaqësohen, kuptohet këtu edhe komunitetet tjera. Ne interesohemi dhe flasim kryesisht për shqiptarët por, zgjidhja duhet të jetë për të gjithë qytetarët që jetojnë brenda këtij vendi”, tha Lulzim Aliu.

/SHENJA/