Ali Ahmeti: Nuk na gjen gjë po të na burgosin edhe neve.. (VIDEO)
Me moton “Bashkë për Europë” kryetari i BDI-së Ali Ahmeti bashkë me ministra e bashkëpartiakë po i vazhdon takimet në Tetovë, nga ku mbrëmë bëri apel edhe për veting ndaj të gjithëve.
“Duhet të luftojmë kundër të keqes krimit, korrupsionit, veting të kërkojmë, për gjykatës, për policë, për politikanë.
Unë kam kërkuar zyrtarisht prej prokurorisë, një vendim të këshillit të përgjithshëm të BDI-së të hapen hetime për BDI-në dhe tani nuk durohen, del lloj-lloj analfabeti, hajdut ka vjedh ka bo, ka vjedhë – dërgoje në prokurori! Nxjerri faktet.
Kam gënjyer – fute në burg! pse ke gënjyer?! Ka vjedhur – fute në burg hajdutin! 30 mijë ka në burgje Amerika, funksionarë, edhe ne po të burgosemi asgjë nuk na gjen”, tha Ali Ahmeti, kryetar BDI.
Zëvendëskryeministri i parë, Artan Grubi, gjatë fjalës së tij shtroi çështjen se kujt vallë mund t’i shërbejë përçarja në këtë kohë kur ka kriza në rajon?! Bëri apel që të jemi sa më të bashkuar!
“Mos lejoni të përçahemi se është në duart e tuaja më shumë, mos lejoheni të kthehemi në kohërat e të qenit servil, të atyre shqiptarëve me bisht siç i përmendi kryetari, të kohës me sëpatën për t’i prerë drurët apo për t’i pastruar oxhaqet, por t’i bëjmë shqiptarët faktor vendimmarrës që do t’i prijnë projekteve përpara dhe kështu mund t’i bëjmë vetëm nëse jemi bashkë e jo t’i bëjmë mashë në dorën e tjetërkujt!
Po e shihni se po vlon Kosova dhe Serbia, jemi si në kohën e shpalljes pavarësisë dhe të vitit 1998, jemi dëshmitarë, Vuçiqi po jep dorëheqje, është çuar Amerika e Europa në Prishtinë sot! Mali zi nuk mund të bëjë qeveri tashmë një vjet!
BeH nuk mund të ngrihet në këmbë me vite të tëra! Bullgaria nuk mund të mbajë qeveri më shumë se një muaj, katër palë zgjedhje në një vjet! Kujt dreqin i shërben përçarja?! Kujt dreqin i shërben kriza?!
Kujt dreqin i shërben shqiptarët pikë e pesë?!”, pohoi Artan Grubi, BDI.
Ahmeti u takua edhe me forumin e gruas së BDI-së në Tetovë, ndërsa takimet do të vazhdojnë edhe në qytete të tjera.
VIDEO:
/tv21
