Ali Ahmeti: Nuk kam hyrë në politikë për të shitur qebapë..

Në tubimin e BDI-së në Tetovë, i pranishëm ka qenë edhe Nevzat Halili.
Duke iu drejtuar atij, lideri i BDI-së, Ali Ahmeti bëri të ditur se ka ftuar intelektualët që t’i bashkohen atij, në formimin e frontit “Bashkë për Evropë”.

Ahmeti duke treguar qëllimin e këtij fronti, i tha Halilit se nuk ka hyrë në politikë për të shitur qebapë, por për të bërë mirë për rininë.

“Është një moment i rëndësishëm për ne. T’i lemë vogëlsirat e hatërmbetjet dhe të kapemi pas madhores, asaj të cilës ja shohim hajrin, dobinë të gjithë. Unë nuk dua të krekosem, nëse nuk do ndokush… Unë me kobure… Unë vij prej kobure, nuk vij prej ekraneve televizive, as prej kancelarive (zyrave), vij prej kësaj kësaj pjese.

Por, pa e mposhtur këtë krenari, mendjemadhësi, nuk arrihet e këndshmja. Por, edhe pa sakrifikuar pak, atë që është e dhimbshme – nuk arrihet e këndshmja dhe e këndshmja është për të gjithë komunitetin.

Këtë përkrahje kërkova nga ju, prej të gjithë intelektualëve, dhe më thonin – por jo! Baca Nevzat, unë s’kam hyrë për të shitur qebapë në politikë. Kam hyrë për të bërë mirë me këta djem, me këto forca, është interes kombëtar”, tha Ahmeti, transmeton TV21.

/tv21