Ali Ahmeti bën homadhe me rastin e 17 Janarit në Kërçovë

Kryetari i Bashkimit Demokratik për Integrim, Ali Ahmeti, ka bërë homazhe me rastin e 17 Janarit.
Fillimisht, ai vendosi lule pranë bustit të Skënderbeut në fshatin Garanë, ndërsa më pas nderoi edhe memorialin “Nëna Shqiptare”.

Në këto homazhe, Ahmeti u shoqërua nga kryetari i sapozgjedhur i degës së BDI-së, Dr. Arlind Sejdini. Në deklaratën e tij, Ahmeti theksoi rëndësinë historike të kësaj date dhe domethënien e manifestimit tradicional “Flaka e Janarit”, si simbol i sakrificës dhe qëndresës së popullit shqiptar.

Ai u shpreh se kujtimi i dëshmorëve është një obligim i përhershëm dhe një frymëzim për brezat e rinj në rrugën e zhvillimit, unitetit dhe dinjitetit komb.

/tvgurra