Aleksandar Jovanoski: “Mbështetja juaj është shpresa për një Kërçovë më të mirë”

Kandidati për kryetar të Komunës së Kërçovës nga radhët e VMRO-DPMNE, z. Aleksandar Jovanoski, zhvilloi një bashkëbisedim të hapur me qytetarët e disa lagjeve të qytetit.

Ai u njoh nga afër me shqetësimet dhe idetë e tyre, duke theksuar se zëri i qytetarëve do të jetë busulla e programit të tij.

Në një postim në rrjetet sociale, Jovanoski falënderoi për mbështetjen e jashtëzakonshme, duke shprehur kënaqësinë që shumë banorë shohin shpresën për një Kërçovë më të mirë tek kandidatura e tij dhe gjithashtu tek lista e kandidatëve për këshilltarë.
Ai siguroi se angazhimi i tij do të jetë në shërbim të qytetit dhe banorëve.

/tvgurra