Aktivisti i dalluar nga Amerika Ilaz Kadriu rreshtohet pas Shkodran Alilit

Sot u shpall zyrtarisht kandidatura e Shkodran Alilit për Kryetar të Komunës së Kërçovës dhe u prezantua bartësi i listës, Prof. Dr. Kujtim Kasami, drejtor i Shkollës Fillore “Milto Gurra” dhe një figurë e respektuar në arsim.

Në këtë ngjarje për mediat folën Shkodran Alili, Prof. Dr. Kujtim Kasami dhe aktivisti i çështjes kombëtare shqiptare në SHBA, Prof. Ilaz Kadriu.

Shkodran Alili theksoi: “Fjalën që ia dhamë popullit sot e zyrtarizuam dhe tashmë jemi zyrtarisht kandidat i pavarur për Kryetar Komune në Kërçovë.”

Kjo ditë shënon nisjen e një procesi të ri politik në Kërçovë, duke hapur hapësirë për ide dhe vizione të reja mbi të ardhmen e komunës.

/ms