Aksion për dhurim gjaku në Komunën e Kërçovës

Në kuadër të aktiviteteve humanitare, Kryqi i Kuq i Kërçovës në bashkëpunim me Instituti i Transfuziologjisë dhe Komuna e Kërçovës organizuan një aksion për dhurimin vullnetar të gjakut.

Ky aktivitet u realizua në kuadër të planit vjetor të Kryqit të Kuq, ku sipas përfaqësuesit Besnik Selimi, aksione të tilla mbahen dy herë në vit me qëllim sigurimin e rezervave të nevojshme të gjakut dhe rritjen e ndërgjegjësimit për rëndësinë e dhurimit.

Për mbarëvajtjen e aksionit u përkujdes stafi mjekësor i Institutit të Transfuziologjisë, ndërsa në mesin e tyre ishte edhe Dr. Valbona Neziri, e cila theksoi rëndësinë e këtyre aksioneve për shpëtimin e jetëve.

Organizatorët vlerësuan pjesëmarrjen e qytetarëve, duke theksuar se dhurimi i gjakut mbetet një akt i lartë human që shpëton jetë.

/tvgurra