Aksident i rëndë në rrugën Kërçovë – Ohër, të lënduar disa persona përfshirë një fëniijë 6-vjeçar?

Nga Ministria e Punëve të Brendshme bëjnë të ditur se më 30 janar 2026, rreth orës 23:17, në rrugën magjistrale Kërçovë—Ohër, në afërsi të fshatit Podvis të Kërçovës, ka ndodhur një aksident trafiku mes dy automjeteve.

Në aksident janë përfshirë një automjet i tipit “Renault” me targa të Prilepit, i drejtuar nga D.K. 51 vjeç nga Prilepi, dhe një automjet i tipit “Jeep” me targa të Tetovës, i drejtuar nga R.U. 33 vjeç nga fshati Zajaz i Kërçovës.

Si pasojë e përplasjes, janë lënduar të dy drejtuesit e mjeteve, si dhe pasagjerët në automjetin “Renault”, O.A. 47 vjeçe dhe M.G. 55 vjeçe, të dyja nga Prilepi. Po ashtu, të lënduar kanë mbetur edhe pasagjerët në automjetin “Jeep”, B.F. 45 vjeç, J.Ç. 31 vjeç dhe një fëmijë gjashtëvjeçar, të gjithë nga fshati Zajaz.

Të gjithë të lënduarit janë dërguar për trajtim mjekësor në Spitalin e Përgjithshëm të Kërçovës, ku u janë konstatuar lëndime trupore. Autoritetet po hetojnë shkaqet e aksidentit.

/strugalajm