Aksident i rëndë afër Zajazit..! (FOTO)

Disa persona janë transportuar në spital për trajtim dhe ndihmë mjekësore pas aksidentit të trafikut që ka ndodhur pasditen e sotme në rrugën kryesore Kërçovë-Gostivar afër Zajazit. Vendi është duke u kontrolluar dhe trafiku është ndalur.

Sipas informacioneve nga MPB Ohër, në zonën ndërmjet fshatit Zajaz dhe Greshnicë, rreth orës 15:00 ka ndodhur një aksident trafiku në të cilin janë përfshirë tri vetura dhe një kamion. Menjëherë pas raportimit, disa persona janë transportuar në spital nga ndihma e shpejtë.

Arsyet që kanë çuar në aksident do të dihen pas hetimeve që po vazhdojnë.
AMSM njoftoi se për shkak të një aksidenti trafiku në rrugën Kërçovë-Gostivar nga ora 15:35, komunikacioni është ndërprerë në të dy drejtimet.

FOTO:

/a1on.mk