Akademi shkencore në Kërçovë

Në organizim të Institutit për shkenca humane AKADEMIA në Kërçovë u organizua AKADEMIA SHKENCORE “40 VITE NGA PUBLIKIMI I PËRKTHIMIT TË PARË TË KUR’ANIT NË GJUHËN SHQIPE (1985-2025)”
Në prani të shumë profesorëve të respektuar, udhëheqës të institucioneve të ndryshme, mësimdhënës dhe hoxhallarë, familja Mehdiu, që kishin ardhë nga Prishtina në Kërçovë enkas për këtë jubile të veçantë, u organizua Akademia Shkencore “40 VITE NGA PUBLIKIMI I PËRKTHIMIT TË PARË TË KUR’ANIT NË GJUHËN SHQIPE (1985-2025)”, ngjarje kjo që shënon një moment shumë të rëndësishëm në historinë kulturore dhe fetaro-islame të shqiptarëve.

Akademia shkencore filloi me leximin e ajeteve kur’anore nga Elez Dauti.
Për të shpallur të hapur këtë aktivitet, dr. Kujtim Kasami, kryetar i Institutit për Shkenca Humane “AKADEMIA” përshëndeti të pranishmit, me një fjalë rasti.

Panelistë në këtë Akademi shkencore ishin:
Profesor Elez Osmani nga Prishtina, i cili foli mbi temën: “Përkthimi i parë komplet i Kur’anit në gjuhën shqipe dhe jehona e tij.”
Ramadan Shkodra, drejtor për veprimtari botuese pranë Bashkësisë Islame të Kosovës, foli për “Rëndësinë e përkthimit të Kur’anit në gjuhën shqipe”.

Mr. Elez Ismaili, trajtoi temën ”Përndritja e shpalljes hyjnore tek shqiptarët”.
Bashkim Aliu, i cili jeton dhe shërben si imam në Zurich të Zvicrës dërgoi punimin e tij enkas për këtë jubile me titull “Përkthimi dhe publikimi i Kur’anit në gjuhën shqipe në shërbim të besimtarëve për të kuptuar drejt fenë islame”. Në pamundësi që autorit të merr pjesë fizikisht, Elez Dauti lexoi trajtesën e dr. Bashkim Aliut.

Më pastaj dr. Ilmi Veliu trajtoi punimin e tij të titulluar ”Akademiku Feti Mehdiu, me punën e tij shkencore, zëvendësoi Akademikun tonë shumë të njohur Hasan Kaleshin”.

Pjesa e dytë e këtij aktiviteti, u pasurua me promovimin e librit “Përkthimi i parë i Kur’ani Kerimit shqip – 40 vjet në duar të lexuesit shqiptar (1985–2025)”, me autor dr. Kujtim Kasami.
dr. Gëzim Xhambazin dhe profesor Qamil Aliun, folën për librin e botuar në kuadër të këtij përvjetori.

Në pjesën e fundit dr. Kujtim Kasami, në emër të Institutit për Shkenca Humane “AKADEMIA”, ndajti mirënjohje për të gjithë ata që kontribuan dhe ndihmuan këtë organizim:
Mr. Elez Ismaili
Mr. Elez Osmani
Dr. Ilmi Veliu
Profesor Qamil Aliu
Dr. Gëzim Xhambazi
Dr. Sadik Mehmedi
Ramadan Shkodra
Dr. Hysen Matoshi
Dr. Bashkim Aliu
Abdulla Zendeli
Fluturim Elezi
Sabedin Tika

OH “Kalliri i Mirësisë – Kërçovë”
Pallai i Kulturës – Kërçovë
TV Uskana
Firma Instalimi
Komuna e Kërçovës
Liridon Kadriu
Medin Iseni
SkyCam Photography
Poashtu u nda çmimi AKADEMIA.
Çmimi më i lartë i kësaj mbrëmje për kontributin e dhënë në shkencë, kulturë gjuhësore, islamistikë dhe për kontribut të veçantë për përkthimin dhe publikimin e parë komplet të Kurani Kerimit në gjuhën shqipe në vitin 1985 në Prishtinë.
Pra, çmimi “Akademia”, ju nda akademik dr. Feti Mehdiu.

Të gjithë pjesëmarrësit ishin shumë të lumtur dhe të gëzuar, që në këtë akademi përkujtimore shumë të veçantë, të prezantojë vetë përkthyesi i parë i Kuranit Fisnik në gjuhën shqipe, akademik dr. Feti Mehdiu. Profesori Fetiu foli për procesin, sfidat dhe përgjegjësinë shpirtërore që mbart kjo vepër kaq sublime – përkthimi i fjalës së Allahut në gjuhën shqipe.

Të gjitha punimet e prezantuara në këtë Akademi shkencore do të publikohen në botimin e dytë të librit “Përkthimi i parë i Kur’anit Kerimit shqip – 40 vjet në duar të lexuesit shqiptar (1985–2025)”.
Instituti Akademia
Dr. Kujtim Kasami

/ms