Ahmeti nuk e largon Grubin nga partia ! (VIDEO)
U formua lëndë kundër Artan Grubit dhe Enver Bexhetit pasi u futën në listën e zezë të SHBA-ve. Kryeprokurori Lupço Kocevski njofton se Prokuroria do të përpiqet të sigurojë prova që të kontrollohet përgjegjësia penale e të dyve, pas informacioneve të Departamentit amerikan të Shtetit për ryshfet dhe tregtim me ndikim. Kocevski theksoi se është i shkëlqyeshëm bashkëpunimi me ambasadën e SHBA-ve dhe se ata ndihmojnë në luftën kundër korrupsionit.
Ambasadorja Angela Ageler paraprakisht tha se provat kundër Grubit dhe Bexhetit, meqë i ka Uashingtoni, atëherë të njëjtat janë të qasshme edhe për institucionet vendase. I pyetur nëse Shkupi i ka siguruar provat, ministri i brendshëm Pançe Toshkovski, u përgjigj shkurt:
-Do të kërkoja durim nga opinioni maqedonas në këtë pjesë…tani për tani.
Kreu i BDI-së Ali Ahmeti tani për tani nuk do ta largojë Grubin nga partia, ndërsa në të njëjtën kohë thotë se BDI nuk i konteston vendimet e Stejt departamentit. Ahmeti njoftoi se Grubi do ta shfrytëzojë të drejtën për t’u ankuar.
Në lidhje me efektet tek organet e gjyqësorit në vend, nga vendosja e funksionarëve në listën e zezë, ministri Orhan Murtezani theksoi se sugjerimet e SHBA-ve duhet të merren me seriozitet dhe të zbatohen në legjislacionin kombëtar.
Ageler informoi se Uashingtoni po shqyrton sanksione shtesë për Grubin dhe familjen e tij si dhe për gjykatësin, Enver Bexheti. Theksoi se që të dy janë të përfshirë në ryshfet që ka të bëjë me një pjesë të lëndëve të hapura kundër Sasho Mijallkov.
Përndryshe, vitin e kaluar kundër gjykatësit Bexheti, Këshilli Gjyqësor ngriti hetim për shkak se rasti “Target-Fortesa” që shumë gjatë ka qëndruar në sirtar, ndërsa ka të bëjë me përgjimet. Por, deri te procedura e shkarkimit nuk erdhi.
VIDEO:
/tv21
