Afrim Muçiqi kritikon gjendjen politike: “Kemi mbetur në dorë të analfabetëve” !

Këngëtari i njohur i muzikës popullore, Afrim Muçiqi, gjatë intervistës në emisionin “Sol” në Klan Kosova, ka shprehur pakënaqësinë e tij të thellë ndaj klasës politike në vend.

Ai ka kritikuar ashpër deputetët që, sipas tij, nuk punojnë mjaftueshëm, por megjithatë kërkojnë votën e qytetarëve.
Muçiqi u shpreh se shumë profesionistë të kualifikuar kanë lëshuar Kosovën, ndërsa vendet e tyre po zëvendësohen nga njerëz pa përgatitje të mjaftueshme.

“Në vend se të votohen njerëz të merituar, kërkohet vota për të afërm, për ‘djalin e hallës’, e kështu humbet dinjiteti i shoqërisë”, tha ai.
Ai shtoi se në shumë pozita të rëndësishme sot shihen persona me arsimim minimal, ndërsa profesionistët e vërtetë janë jashtë vendit.

“Kemi mbet në dorën e analfabetëve”, përfundoi Muçiqi, duke theksuar nevojën për një ndryshim të thellë në qasjen ndaj politikës dhe përzgjedhjes së përfaqësuesve publikë.

/tvgurra