A mund të përfitojnë banorët e huaj nga “sekreti bankar” zviceran?

Sekreti bankar i Zvicrës është legjendar, por nuk zbatohet për të gjithë banorët, veçanërisht ata të huaj. Ky “sekret” në fakt është një konfidencialitet i mbrojtur ligjërisht që garanton privatësinë financiare të qytetarëve zviceranë, të cilët kanë të drejtën që informacionet mbi llogaritë e tyre të mbeten të fshehta, përveç rasteve të caktuara, si pastrimi i parave apo sekuestrimi i aseteve.

Për banorët e huaj, situata ndryshon. Zvicra ka nënshkruar një marrëveshje me 100 shtete për shkëmbimin automatik të informacionit tatimor.

Kjo do të thotë se bankat zvicerane do të raportojnë informacionin për llogaritë e huajve, duke përfshirë emrin, adresën, bilancin dhe të ardhurat e llogarive, tek autoritetet tatimore të vendit ku ata kanë rezidencë tatimore. Për qytetarët amerikanë, ky informacion është gjithashtu i detyrueshëm për t’u raportuar në SHBA.

/albinfo