A ka Zvicra energji të mjaftueshme për qendrat e të dhënave?

Qendrat e të dhënave po shtohen me shpejtësi në Zvicër, duke rritur shqetësimet për konsumin e lartë të energjisë dhe mbingarkesën e rrjetit elektrik. Aktualisht ato përbëjnë 6–8% të konsumit kombëtar të energjisë elektrike, por kjo shifër mund të arrijë në 10–15% deri në vitin 2030, veçanërisht për shkak të zhvillimit të inteligjencës artificiale (IA).

Shumica e popullsisë kërkon që qendrat e reja të furnizohen vetëm me energji të rinovueshme dhe që të ketë më shumë transparencë mbi konsumin e tyre. Ndërkohë, rrjeti elektrik, veçanërisht në zonën e Cyrihut ku janë përqendruar shumica e qendrave të të dhënave, është tashmë pranë kufijve të kapacitetit, duke detyruar disa operatorë të zhvendosen në kantone të tjera.

Zvicra mbetet një destinacion tërheqës për shkak të stabilitetit politik, energjisë relativisht të pastër dhe kërkesës së lartë për shërbime dixhitale, por ekspertët paralajmërojnë se pa planifikim të kujdesshëm, rritja e qendrave të të dhënave dhe e IA-së mund të çojë në mungesa energjie dhe rreziqe për ndërprerje.

Efikasiteti energjetik dhe transparenca konsiderohen kyçe, pasi një pjesë e madhe e potencialit për kursim energjie në qendrat e të dhënave mbetet ende e pashfrytëzuar.

/ms