A ka përfunduar procedura për kanalizimin në Zajaz? Ja çka thotë kryetari Dehari.. (VIDEO)
A do të bëhet realitet rrejti i kanalizimit të shumëpritur nga Zajazi në Drugovë? Ky projekt i mbështetur nga BE, nga autoritet lokale premtohet që në vitin 2014, por disa herë ka ngecur për shkak të parregullsive në dokumentacion dhe gjatë procedurës së prokurimit e cila është përsëritur dy herë.
Nga zyra e BE-së shpresojnë se kësaj here procedura e dokumentacionit dhe miratimi i të njëjtës do të përfundojë me sukses.
“Siç ka ndodhur me ndërtimin e impiantit të trajtimit të ujërave të zeza komunale, i bashkëfinancuar me paratë “IPA I” të BE-së dhe që është në funksionim, menaxhimi i planifikimit, prokurimit dhe zbatimit të Programit Shumëvjeçar për Mjedisin 2014-2020 është me autoritetet kombëtare. Vërtet jemi të vetëdijshëm se në dy raste procedura e prokurimit ka qenë e pafrytshme.
Në të njëjtën kohë, si bashkëfinancues të aksionit shpresojmë që procedura e tretë të ketë një rezultat të suksesshëm. Për më shumë informacion, ju lutemi në Ministrinë e Financave, i cili është autoriteti kontraktues i projektit”, thonë nga Zyra e BE-së në Maqedoninë e Veriut.
Ditë më parë kryetari i Komunës së Kërçovës Fatmir Dehari u lavdërua se e gjithë procedura ka përfunduar dhe se është bërë përzgjedhja e kompanisë ndërtuese për realizmin e këtij projekti.
“Projekt që e kemi pritur kaq kohë, ka përfunduar procedura e përzgjedhjes që një vit më parë e hodhën në këtë moment e kompanisë fituese që udhëhiqet nga zyra e BE-së dhe ky është lajmi më I mirë tani presim nënshkrimin e kontratës”, theskoi Fatmir Dehari, kryetar i komunës së Kërçovës.
Por nga Ministria e Financave thonë se procedura për këtë projekt është në fazën e prokurimit aty ku gjithmonë ka hasur në ngecje.
“Lidhur me pyetjen, ju njoftojmë se kjo është pjesë e projektit IPA Rehabilitimi dhe zgjerimi i rrjetit të kanalizimit në komunën e Kërçovës, për të cilin Ministria e Financave është duke bërë prokurim publik dhe është ende në fazën e tenderimit”, thonë nga Ministria e Financave.
Përndryshe, sipas asaj që sqarojnë edhe nga Zyra e BE-së, projekti përmban gjithsej 20 seksione, nga të cilat ndërtimi i rrjeteve dytësore të kanalizimit në fshatrat Zajaz dhe Drugovë dhe kanalizimi kryesor i kanalizimit Zajaz-Kërçovë, përfaqësojnë tre prej tyre.
VIDEO:
/tv21
