A e shpëtoi Islam Abazi nga burgimi Asmir Jahoski !?
Këtë pasdite, Prokuroria Publike ka dalur me sqarim, duke hedhur posht zërat për presione. Nga Prokuroria thone se në asnjë moment nuk është kërcënuar pavarësia dhe përgjegjesëia e tyre në kryerjen e detyrës as nga kryeprokurori Islam Abazi po as edhe nga dikush tjetër, transmeton TV21.
Tutje nga Prokuroria theksojnë se çdo tezë e paverifikuar që cenon besimin në prokurori, në mënyrë të drejtpërdrejtë e shkel Kushtetutën e Republikës së Maqedonisë.
“Prokurorët publikë nga Prokuroria Themelore Publike për Ndjekjen e Krimit të Organizuar dhe Korrupsion hedhin poshtë të gjitha informacionet që qarkullojnë në opinion për pretendime për presione ndaj tyre në lidhje me rastet që po trajtojnë dhe publikisht dënojnë deklarata të tilla që cenojnë integritetin e tyre.
Gjatë punës së deritanishme të të gjithë prokurorëve në këtë prokurori, pa përjashtim, në asnjë moment nuk është kërcënuar pavarësia dhe përgjegjësia e tyre në kryerjen e detyrës as nga Kryeprokurori Publik Islam Abazi dhe as nga dikush tjetër.
Në të njëjtën kohë, dëshirojmë të theksojmë se parimi i hierarkisë mbi të cilin bazohet funksionimi i prokurorisë publike, nuk ndërhyn në pavarësinë e prokurorëve publikë në vendimmarrjen e tyre, të cilët meritat e vendimeve të tyre i nxjerrin nga provat e mbledhura, prandaj, çdo tezë dhe ndjesi e paverifikuar që cenon besimin në prokurori, në mënyrë të drejtpërdrejtë e shkel Kushtetutën e Republikës së Maqedonisë.
Publiku duhet ta dijë se sipas Kushtetutës së Republikës së Maqedonisë dhe sipas ligjeve, askush nuk mund të ndikojë në ligjshmërinë dhe punën e paanshme dhe objektive të prokurorisë.
Për këto arsye, vendimet e prokurorisë nuk duhet të lejohen të përdoren për pikëvënie politike ditore, sidomos duke pasur parasysh se çdo vendim i marrë ndikon në fatin njerëzor të dikujt”, thonë nga Prokuroria.
/tv21
