A e dini pse Ramazani është muaji më i shenjtë në kulturën islame?
Çdo vit, myslimanët në mbarë botën presin shfaqjen e hënës së re në formë drapri, e cila shënon fillimin e Ramazanit, muaji i nëntë i kalendarit islam dhe më i shenjti në Islam.
Data e Ramazanit ndryshon sepse kalendari islam është hënor: muaji nis pas shfaqjes së hënës së re, e cila shpesh është e vështirë të shihet; kur nuk duket për shkak të reve apo mjegullës, përdoren llogaritje astronomike.
Ramazani lidhet me shpalljen e Kuranit Profetit Muhamed (a.s.) dhe Lejletul Kadrin, ndaj agjërimi bëhet për përkushtim dhe kujtesë shpirtërore. Gjatë këtij muaji, besimtarët falen, lexojnë Kuranin dhe përpiqen të shmangin thashethemet, gënjeshtrat dhe konfliktet.
Agjërimi nga agimi deri në perëndim të diellit është detyrim për shumicën, me përjashtime për të sëmurët, shtatzënat, udhëtarët, të moshuarit dhe gratë me menstruacione; ditët e humbura kompensohen më vonë. Syfyri hahet para agimit, ndërsa iftari pas perëndimit të diellit; shpesh agjërimi prishet me hurma dhe ujë, sipas traditës së Profetit.
Në fund, Ramazani mbyllet me Fitër Bajramin, që nis me falje të përbashkëta në agim dhe vazhdon me takime familjare, ushqim, dhurata dhe nderim të të afërmve. Në thelb, Ramazani mbetet një kohë për adhurim dhe vetëreflektim.
/ms
