A do jetë rasti i Grubit një gur i fortë për Ahmetin dhe BDI-në..!?
Largimi i Artan Grubit nga Maqedonia në një udhëtim privat, por pa familjen e tij, me një automjet të huaj, me targa diplomatike të kujton mënyrën e arratisjes së Nikolla Gruevskit nga Maqedonia.
Komisioni Shtetëror për Parandalimin e Korrupsionit tani po kontrollon pasurinë e tij. Të dhënat janë marrë nga institucionet dhe bankat kompetente në vend dhe analiza e tyre është duke u zhvilluar. Pas konstatimit të gjendjes faktike do të merret vendim në mbledhje publike. Mirëpo, rasti me veturën Audi A6 që u dogj para banesës së tij është hapur në vitin 2023 dhe deri më sot nuk dihej se cilat ishin gjetjet e atij rasti.
Sipas analistëve politikë, rasti i Grubit është një gur i rëndë në qafën e BDI-së. Tani që Grubi është nën hetim, nëse ai mbetet i padisponueshëm për organet kompetente, sigurisht që do të prekë BDI-në, e cila mbron verbalisht vettingun dhe betejën kundër korrupsionit dhe krimit.
BDI-ja deri dje pretendonte se shqetësimet e tyre nuk ishin për veprimet e policisë, por për drejtimin e rrezikshëm të qeverisë.
“Veprimet e ministrit të arsimit, ministrit të administratës dhe kontrolli i partisë mbi Gjykatën Kushtetuese e paralizoi pothuajse plotësisht Marrëveshjen Kornizë të Ohrit. Kjo qasje përçarëse nuk është vetëm sulm ndaj shqiptarëve, por edhe ndaj stabilitetit të shtetit dhe vlerave të bashkëjetesës, të cilat janë ndërtuar me shumë mund”, tha BDI, duke theksuar se shqiptarët nuk do të heshtin. përballë përpjekjeve për të degraduar Marrëveshjen e Ohrit.
/tetova1/
