Dy shqiptarët tentuan t’i grabisnin apartamentin në Itali, u kapën mat nga policia !

Dy shqiptarë janë arrestuar gjatë natës në zonën e Via Mantovës në Itali, pasi tentuan të grabisnin apartamentin e një të riu italian.

Mesa duket grabitësit shqiptarë nuk kishin menduar se i riu Italian ishte në banesë në momentin që ata tentuan të shkatërronin dritaren për të hyrë në apartamentin që ndodhej në katin e parë të pallatit.

Mediat në Itali bëjnë me dije, se pasi i riu vuri re prezencën e dy hajdutëve që po tentonin të hapnin dritare thirri menjëherë policinë, e cila arriti në kohë rekord në vendngjarje, duke bërë të mundur arrestimin e dy shqiptarëve.

Mësohet se dy shqiptarët tentuan të arratiseshin , duke u ngjitur në tarracën e pallatit.
Por arratia e tyre nuk zgjati për shumë kohë, pasi fqinjët u angazhuan dhe ndihmuan policinë në kapjen e dy shqiptarëve.

/ts