Ali Ahmeti: “Europa, alternativa e vetme për ne” !?

Kryetari i BDI-së, Ali Ahmeti nëpërmjet rrjetit social Facebook, ka uruar kryeminsitrin e Shqipërisë, Edi Rama për hapejn e negociatave me BE-në. Ahmeti shkruan se Europa është atlternativa e vetme, duke shtuar se është “dëshpërim që Maqedonia e Veriut nuk është sot në krah të Shqipërisë për arsye të bllokimit të rrugëtimit tonë europian si pasojë e mos zbatimit të kornizës negociuese të miratuar nga Këshilli i Bashkimit Europian dhe Maqedonia e veriut”.

Lajm i jashtëzakonshëm nga Luksemburgu për Shqipërinë, shqiptarët dhe gjithë rajonin e Europës juglindore.
Përgëzoj përzemërsisht të gjithë shqiptarët, Kryeministrin Edi Rama dhe gjithë ekipin që punoi palodhshëm drejt hapjes së kapitullit të parë negociues.

Uroj që Shqipëria të punojë fort në drejtim të realizimit të objektivit për anëtarësim në Bashkimin Europian në vitin 2030.
S’ka se si mos të përmend dëshpërimin që Maqedonia e veriut nuk është sot në krah të Shqipërisë për arsye të bllokimit të rrugëtimit tonë europian si pasojë e mos zbatimit të kornizës negociuese të miratuar nga Këshilli i Bashkimit Europian dhe Maqedonia e veriut.

Ne duhet bërë çmos që të sigurojmë dhe vulosim të ardhmën europiane për qytetarët tanë duke demonstruar lidership dhe përcaktim.
Alternativë tjetër, nuk kemi! Europa është rruga jonë e vetme.

/tv21