BDI me akuza ndaj Fatmir Limanit dhe Agim Sadikut ! (VIDEO)

BDI-ja sot në konferencë për shtyp akuzoi se ministri i Politikës Sociale, Demografisë dhe Rinisë, Fatmir Limani është i përfshirë në realizimin e tenderit për shërbime bravandreqëse-salduese. Nga BDI thonë se edhe pse TEC Oslomej ka mbi 1000 të punësuar, do të paguajë rreth 30 euro për një orë punë për rregullimin e bravave.

“Ky skandal lidhet me emrin e Agim Sadikut, kryetarit të degës së Fatmir Limanit bravandreqësit, i cili është njëherë edhe udhëheqësi në TEC Osllomej, të cilët kanë realizuar tender për shërbime bravandreqëse-salduese edhe pse TEC Oslomej ka mbi 1000 të punësuar.

Që skandali të jetë edhe më i madh, ky tender i ndarë në 2 firma të vetme kap shumën me vlerën prej mbi 23 500 000 denarë ose mbi 380 000 euro. Paramendoni, rreth 30 euro për 1 orë punë për shërbime të ndërrimit të bravave do të paguhen bazuar në këtë marrëveshje skandaloze. Kjo nënkupton se Elektranat e MV- EMV do të duhet ti paguajë një firme të jashtme plot 1780 denarë për 1 orë punë në ndërrim të bravave” deklaroi Arta Bilalli nga BDI-ja.

Ajo bëri thirrje që organet kompetente ta hetojnë rastin.
“Kjo marrëveshje, përveç se korruptive nuk ka si të jetë ndryshe, ndaj i ftojmë organet kompetente të nisin procedurë për aktorët e marrëveshjes së këtillë kriminele që realizohet nga udhëheqës të paaftë e të korruptuar”, tha Bilalli.

VIDEO:

/tv21