Kërçovë “Kalliri i Mirësisë” në prag të muajit të solidaritetit dhe mëshirës ndihmon familjet në nevoj (VIDEO)

Lajme nga Maqedonia

Në emër të All-llahut, Mëshiruesit, Mëshirëplotit

U përshëndes me përshëndetjen gjithëpërfshirëse, të banorëve të tokës dhe banorëve të xhennetit – esselamu alejkum, paqa dhe begatitë e Zotit qofshin mbi të gjithë Ju.

Të nderuar vllezër dhe motra, bamirës e donator, nevojtarë e skamnorë, anëtarë dhe aktivistë të palodhur të organizatës tonë që është familja jonë e përbashkët, Kalliri i Mirësisë- dega në Kërçovë.

Ne, sot fillojmë aksionin e dytë për të bërë shpërndarjen e 650 pakove me artikuj të nevojshme ushqimore dhe mjete higjenike që vjen si nevojë emergjente pas aktivitetit të parë që u shpërndanë 350 pako dhe 7 ton miell.

I gjithë ky aktivitet dhe angzhim bëhet për të kontribuar që sa do pak të zbusim gjendjen e vështirë të shumë familjeve në nevojë.

Me këtë rast dëshiroj që nëpërmjet të kesaj press conference të shkurtët të falenderoj të gjitha shoqatat kërçovare që veprojnë në Zvicër, të cilat e mbështetën këtë project e që janë:

Shoqata kulturore e fshatit Kollarë,

Shoqata humanitare e fsh. Leshnicë

Shoqata humanitare e fsh. Shitovë

Shoqata Humanitare e fsh. Zajaz Teqe

Shoqata Humanitare e fsh Tuhin

Shoqata humanitare e fsh. Garanë

Shoqata Humanitare e fsh Cërvicë

Shoqaten e fsh. Aranjell

Dhe ne vecanti Xhaminë e Regenzdorfit.

Përveç shoqatave, projektin tonë e kanë mbeshtetur edhe shumë individë të cilët i falënderojmë e në veçanti do të permendim;

Dr. Gafurr Sherbetin – CH

Z. Ali Aliun dhe familjen e tij- CH

Argetim Shabanin- SHBA

Lazam Xhambazin – CH

Bajram zeqiri – Kërçovë

Abidin Jao – CH

Haxhi Agim Rexhepi – CH

Shpetim Useini – SHBA

Mediat (Uskana , Gurra)

FMX Production i cili realizoi videoklipin e kËtij projekti

Të gjithë i falënderojmë për kontributin e tyre në këtë situatë të jashtëzakonshme që u krijua si pasojë e virusit Korona që ne si organizatë humanitare t`u dalim në ndihmë në fazën e dytë me ndihma ushqimore dhe higjenike në prag të muajit të shenjtë të Ramazanit të gjitha familjeve me jetimë, me persona me aftësi të kufizuara, me raste sociale të rrezikuara si dhe të gjithë atyre që kanë nevojë në këtë situatë të rënduar edhe shpirtërore edhe materiale.

Ne jemi të bindur që me ndarjen e 650 pakove ushqimore plus edhe (100 pako me mish pule nga 10 kilogram dhe 2 ton patate) në prag të muajit të shenjtë të agjerimit do të gëzojme shumë nevojtarë dhe do të bëjmë të mundur kjo gjendje dhe situatë e vështire të përballohet sa më lehtë.

Zoti i Madh e pranoftë kontributin e gjithësecilit.

Çdo donatori All-llahu ia shumëfishoftë të mirat dhe begatitë.

Ju njoftoj se sot fillojmë me këtë aksion të madh, por gjithashtu, në bashkëpunim me Forumin Rinor Islam- dega në Kërçovë gjatë muajit të Ramazanit, si çdo vit do të organizjmë “Shportën e Ramazanit”dhe planifikojmë çdo 10 -të ditësh të bëjmë shpërndarje të përmasave të këtilla të pakove me gjërat e duhura ushqimore dhe higjenike.

Theksoj edhe një herë që këto 650 pako me artikuj ushqimor dhe mjete higjienike, si dhe 100 pakot me këmbë pule janë të siguruara nga shoqatat kërçovare në Zvicer si dhe donatorët e lartëpërmendur që sinqerisht ne si organizatë humanitare, ju jemi mirënjohës dhe falenderues. Zoti I shperbleftë.

Krejt në fund uroj që sa më shpejtë të përfundojë kjo gjendje e vështirë si pasojë e virusit Korona, dhe uroj këtë vit, të kemi agjërim të lehte dhe të pranuar duke përjetuar momente të mira individuale dhe familjare.

Qoftë për hajr, me adhurime të sinqerta muaji i Ramazanit !

22.04.2020
Kërçovë

OH “Kalliri i Mirësisë” – dega në Kërçovë
Muhamed Mehmedi, kryetar

VIDEO: