Netanyahu pas presionit për armëpushim: Askush nuk do të më predikojë !

Kryeministri izraelit Benjamin Netanyahu, të hënën u tërhoq kundër një vale të re presioni për të arritur një marrëveshje armëpushimi në Gaza pasi qindra mijëra izraelitë protestuan dhe hynë në grevë dhe presidenti amerikan Joe Biden tha se duhet të bëjë më shumë pas gati 11 muajsh të luftimit.

Në fjalimin e tij të parë publik që nga protestat masive të së dielës që treguan reagimin e furishëm të shumë izraelitëve ndaj zbulimit të gjashtë pengjeve të tjerë të vdekur, Netanyahu tha se ai do të vazhdojë të insistojë në një kërkesë që është shfaqur si një pengesë kryesore në bisedime – vazhdimi i kontrollit izraelit mbi Korridorin e Filadelfit.

Ky korridor është një brez i ngushtë përgjatë kufirit të Gazës me Egjiptin, ku Izraeli thotë se Hamasi kontrabandon armë në Gaza. Egjipti dhe Hamasi e mohojnë atë.

Netanyahu e quajti korridorin jetik për të siguruar që Hamasi të mos mund të riarmatoset përmes tuneleve.
“Ky është oksigjeni i Hamasit”, tha ai, raporton AP.

“Askush nuk është më i përkushtuar për lirimin e pengjeve se unë. Por askush nuk do të më predikoj”, shtoi Netanyahu.
Izraelitët kishin dalë në rrugë të dielën vonë në pikëllim dhe zemërim në atë që dukej të ishte protesta më e madhe që nga fillimi i luftës.

Familjet dhe shumica e publikut fajësuan Netanyahun, duke thënë se pengjet mund të ishin kthyer të gjallë në një marrëveshje me Hamasin.
Një grevë e rrallë e përgjithshme u mbajt në të gjithë vendin të hënën.

/alsatm