Arrestohet 28 vjeçari, sulmoi fizikisht bashkëshorten e tij

Sektori për Punë të Brendshme-Tetovë njofton se gjatë ditës së djeshme ka privuar nga liria 28 vjeçarin F.N. nga Gostivari i cili ishte denoncuar nga bashkëshortja e tij për dhunë fizike.

“Me datë 22.05.2024 në ora 19:10, zyrtarët policorë të Departamentit të Policisë-Gallatë kanë privuar nga liria personin F.N (28) nga Gorjani i Gostivarit, pasi që një ditë më parë rreth orës 11:50 në rrugën ,,Vëllezërit Gjinovski” në Gostivar e kishte sulmuar fizikisht bashkëshorten e tij 25-vjeçare dhe i kishte marrë çantën me sende personale dhe dokumente.

Ai është ndaluar në komisariat për procedim të mëtejshëm dhe ndaj tij do të bëhet kallëzim përkatës”, njoftojnë nga SPB-Tetovë.

/Alsat.mk