Arabia Saudite rrit çmimet e naftës..

Arabia Saudite ka rritur çmimet e naftës së papërpunuar për shumicën e rajoneve, duke ripërtërirë frikën se konflikti Izrael-Hamas mund të zgjerohet ende në rajonin kryesor të prodhimit të naftës.

Arabia Saudite rriti çmimet zyrtare të shitjes (OSP) për naftën e saj të papërpunuar të shitur në Azi, Evropën Veriperëndimore dhe Mesdheun në qershor, duke sinjalizuar pritjet për kërkesë të fortë këtë verë, raporton Reuters, transmeton Klankosova.tv.

“Pas rënies me pak më shumë se 7.3 për qind javën e kaluar për shkak të lehtësimit të tensioneve gjeopolitike, ICE Brent e ka nisur javën e re të tregtimit në një bazë më të fortë, duke u hapur më lart,” tha në një shënim kreu i kërkimit të mallrave të ING, Warren Patterson.

Nafta e papërpunuar Brent fitoi 34 cent, ose 0.4 për qind, në 83.30 dollarë për fuçi në orën 05:18 GMT, ndërsa ato të Teksasit Perëndimor të ShBA-së ishin 78.45 dollarë për fuçi, me 34 cent ose 0.4 për qind.

/lajmpress