Kërçovari Ilir Zenku thotë: Në shtetin e Ilinoit pritet shpërthimi i një vale të koronavirusit

Ilir Zenkun, asistent i zv.Rektorit të Universistetit të Ilinoit në Chicago, i ftuar në emsionin “Programi 200” në Alsat, tha se në SHBA, në shtetin e Ilinoit pritet një valë e shpërthimit të virusit, pasi ky shtet është një valë pas Nju Jorkut.

Në Çikago janë vendosur 500 shtretër shtesë në një spital mobil, ndërkohë shtretërit mund të rriten deri në 3 mijë vetëm në këtë spital mobil. “Mund të jemi me fat se izolimet kanë pasur ndikim të mirë në rënien e numrit të të prekurve”, tha Zenku.

Ai tha se në Çikago po del në sipërfaqe pabarazia në shëndetin e popullatës, sidomos në popullatën minoritare ku ka në mënyre jo proporcionale vdekshmërie të lartë.

Kriza nga ana ekonomike ka dëmtuar nivelet me te ulëta ekonomike,”besoj kjo do te ketë ndikim afatgjate ne Amerikë, besoj se do te dalin edhe te mira, pra te jetë zgjim për popullatën amerikane”, përfundoi Zenku.

/alsatm