Ndërroi jetë ish-ushtari i UÇK-së Ismail Rexhepi-Mala. Ngushllime familjes

Në moshë të re 46 vjeçare sot ka ndërruar jetë Ismail Rexhepi-Mala, intelektual kumanovar dhe ish-ushtar i UÇK-së në Kosovë dhe Maqedoni.
Lajmi mortor është komunikuar nga familjarë dhe miq të tij.

“Vëllezër dhe motra ju informojme se sot pushoi së rrahuri zemra e ish luftëtarit të paepur të lirisë në Ushtrine Çlirimtare të Kosovës – Zona operative e Dukagjinit dhe Ushtrisë Çlirimtare Kombëtare Ismail Rexhepi – Mala nga Kumanova”, thuhet në njoftim.

Ismail Rexhepi-Mala, qysh në moshë të re iu kyç UÇK-së, ndërsa u shkollua në Universitetin e Izmirit në Turqi, duke dal jurist i diplomuar.

/(INA)