Zvicër: Arrestohet mjeku që mohonte ekzistimin e koronavirusit

Ndër të tjera, 58-vjeçari kishte shkruar në një twitter se virusi korona as që ekzistonte. Ai e përshkruan virologun e mirënjohur gjerman Christian Drosten si një klloun

Në Wettingen, në mbrëmjen e të shtunës një njësit special i Policisë Kantonale të Aargaut ka arrestuar një mjek, njoftojnë mediat zvicerane. Sipas një deklarate të policisë, të publikuar të dielën, 58-vjeçari zviceran nga rrethi i Badenit kishte ushtruar kërcënime kundër anëtarëve të familjes dhe autoriteteve,transmeton albinfo.ch. Ai u dërgua në një klinikë psikiatrike, percjell Fakte.

Siç raporton Tele M1, ai kishte postuar një thirrje për ndihmë në mediat sociale: “Para ordinancës sime është një komando nga Policia Kantonale e Aargau-t. Do të më arrestojnë. Ndihmë!”

Sipas Gregor Ziltener, i cili e njeh mjekun dhe i ka siguruar informacione televizionit në fjalë, “mjeku është një person i drejtë dhe shumë i përkushtuar, përcjell albinfo.ch. Por kohët e fundit, ai kishte konstatuar se 58-vjeçari po bënte deklarata konfuze në lidhje me virusin korona.

Ndër të tjera, 58-vjeçari kishte shkruar në një twitter se virusi korona as që ekzistonte. Ai e përshkruan virologun e mirënjohur gjerman Christian Drosten si një klloun.

Por mbetet e paqartë përse ai kishte kërcënuar. Procedimet penale janë duke vazhduar. Meqenëse ekzistonte dyshimi se njeriu i dyshuar si person me probleme mendore mund të ishte i armatosur, policia kishte marrë masa të posaçme sigurie përreth ndërtesës. Ajo gjithashtu kishte mbyllur përkohësisht rrugën pranë ndërtesës dhe stacionin e trenit aty pranë.

/portalb