Maqedoni 800 persona dalin nga karantina shtetërore
Sipas të dhënave të publikuara, vetëm 23% e të infektuarve me COVID 19 janë të shtruar nëpër spitalet e vendit, që do të thotë se mbi 75% e të infektuarve me sëmundjen po përballen nëpër shtëpitë e tyre. Të dhëna të sakta se sa prej këtyre personave janë shëruar nuk ka. Autoritetet thonë se informata në këtë drejtim do të ketë nga dita e premte, me arsyetimin se procedura e identifikimit të të shëruarve zgjatë, për shkak se duhet të kalohen dy testime.
Në shtëpi mbeten të infektuarit, simptomat e të cilëve janë më të lehta dhe të përballueshme, ndërsa terapinë ua përcaktojnë mjekët amë pas konsultimeve me infektologët. Ndërkohë për arsye të sigurisë vazhdon të zbatohet masa e izolimit të shtetasve tanë të cilat kthehen nga shtete të tjera. 1592 qytetarë ndodhen aktualisht nëpër karantinat shtetërore.
Gjithsej persona të vendosur në karantinë shtetërore
137- Veles, Kavadarcë dhe Negotinë
761- Shkup
68- Strumicë, Gjevgjeli
250- Ohër, Strugë
142- Tetovë, Gostivar
187- Manastir
47- Berovë
Gjatë ditës së djeshme nga karantinat shtetërore janë lëshuar 846, ndërsa sot 78, prej tyre, 1 nga Hotel Ibis, 14 nga Hotel Flamingo, 12 nga Hotel Rivera dhe 51 nga Hotel Alpina. Të njëjtët edhe nëse gjatë lëshimit në shtëpi rezultojnë negativ në testin për COVID 19 e vazhdojnë në shtëpi vetë-izolimin edhe për 14 ditë të ardhshme.
/lajmpress