Shoqata “Uskana” USA do të mbajë “Recitali AMA”

Vetë fjala AMA, bazë e togfjalëshit “Recitali AMA”, bart në vete një kuptim shumë domethënës. Ndryshe thënë ngërthen një simbolikë të fuqishme e të qartë, psh: gjuha amë, shteti amë, ama e fisit, ama e lumit, ama e etnokulturës sonë.

Së këndejmi misoni i Recitalit AMA është të ruaj rrënjët tona të lidhura në gjenezën e shqipes, traditës, folklorit të pasur, gjithçkasë që ka të bëjë me trashëgiminë tonë shpirtërore.

Në rrethanat në të cilat komuniteti ynë jeton, vepron dhe lind breza të rinj të gjakut tonë pikërisht në një qytetërim global amerikan, detyrë e jona është që me fanatizëm të mbjellim tek të rinjtë tanë dashurinë për vlerat tona autentike kombëtare, siç janë gjuha, këngët, vallet, pesha e fjalës BESË, mikpritja e bujaria e njohur ndër shekuj, mençuria e urtësia e dëshmuar e kështu me radhë.

Dhe ky është një detyrim i gjithsecilit prej nesh, ndërsa Recitali AMA nën drejtimin e Shoqatës “Uskana” ShBA ndihmon, lehtëson, organizon, ngre lart standardin e nivelit artistik që paraqitja e fëmijëve tanë në eventin vjetor të jetë e denjë, e këndshme dhe e kënaqshme për secilin të pranishëm, sepse aty gjithsesi do të ndihet krenar.

Këtë vit, drejtoresha artistike e Recitalit AMA, 11th Ed., Besarta Pinjolli Basha, dhe Shoqata “Uskana” USA, me bordin e ri të sapo zgjedhur, kanë përgatitur një program muzikor të shtrirë, me këngë, valle, recitime, etj.

Të dashur dhe të nderuar bashkatdhetarë që jetoni dhe veproni në Shtetet e Bashkuara të Amerikës, e jona mbetet vetëm t’i përkrahim duke e mbushur sallën me sa ma shumë spektatorë e t’i mbështesim interpretuesit e rinj!

Pjesëmarrja në Recitalin AMA është FREE.
– Mirardhëshi!
– – – – – – – – – – – – – – – – – – – – – – – – – –
Eventi mbahet më:

dt.: 3 mars, 2024
Ora: 6:00pm
vendi: Illinois Valley Community College
815 N Orlando Smith Rd
Oglesby, IL 61348
United States

/ms