Asgjë nga premtimi për uljen e pagave të zyrtarëve, kryeministri thotë se çështja është e komplikuar..

-Ka grup pune që punon, megjithatë duhet të bëjë zgjidhje që do të jetë e qëndrueshme në kushtetutshmëri, këtë e tha mes tjerash kryeministri Dimitar Kovaçevski në pyetjen për uljen e pagave të funksionarëve, të cilët së fundmi morën rritje prej 78 për qind, shkruan TV21. Kovaçevski tha se zgjidhja ligjore për uljen e pagave të funksionarëve është e komplikuar dhe se duhet të përfshijë të gjitha palët, pasi Gjykata Kushtetuese mund ta rrëzojë vendimin.

“Ka nismë, megjithatë kjo nismë është shumë më e komplikuar se…për shembull pr/ligj për shpronësim, ose pr/ligj të ndonjë ligji tjetër që përfshin vetëm një fushë të punës së një ministrie, sepse këtu bëhet fjalë për ligj ku duhet marrëveshje mes pushteteve të ndryshme në shtet”, tha mes tjerash Kovaçevski duke shtuar se duhet marrëveshje mes pushtetit ekzekutiv, gjyqësor dhe sindikatave.

Kovaçevski thotë se nga 1.100 funksionarë të zgjedhur dhe të emëruar që marrin pagë të lartë, shumica janë prej opozitës.
“Vetëm 42 janë në Qeveri, 112 janë në Kuvend, 82 janë në komuna, nuk mund ta lidhni as në mënyrë partiake, për shkak se nëse numëroni kryetarët e komunave, atëherë numri dominues, përveç 16-17 kryetar komunash, të gjithë janë nga opozita. Nëse shkoni në Kuvend, atje numrat janë më afër, 65 kundër numrit të mbetur nga 120”, theksoi Kovaçevski.

/tv21.tv