Edhe Policë largohen nga Maqedonia, ikin dhe i hedhin pasaportat..(VIDEO)

Konfederata e organizatave sindikale të Maqedonisë mbajti protestë para Qeverisë si rezultat i, siç thonë, veshit të shurdhër të qeverisë ndaj kërkesave të sindikatave që protestuan këtë vit, përcjell TV21. Kryetari i KOSM, Marjan Risteski, u bëri thirrje partive në periudhën parazgjedhore, në programet e tyre politike, t’i zbatojnë kërkesat e sindikatave dhe theksoi se qeveria e ardhshme do të duhet t’i plotësojë nevojat e punëtorëve, në mënyrë që siç tha ai, të jetojnë një jetë normale.

Koordinatori Nacional në Sindikatat e Pavarur të Punëtorëve të Shëndetësisë, Bobi Bojçevski, bëri thirrje që të miratohet një lloj ligji transformues, i cili në praktikë do të ndryshojë kontratën e punëtorëve shëndetësorë dhe tregoi se ata do të vazhdojnë me kërkesat e tyre.

Deklaratë për media dha edhe Biljana Jonova, punonjëse e një institucioni shëndetësor në Shkup me kontratë pune, e cila, siç tha, punon për 18.200 denarë, pa sigurim shëndetësor, pensional dhe pa të drejtë pushimi dhe pushimi mjekësor.

“Punojmë për 18 200 denarë pagë, pa sigurim shëndetësorë, pensional, pa të drejtë për pushim, pa të drejtë për pushim mjekësorë. D.m.th. nuk kemi asnjëfarë të drejtash. Marrëveshja më skadon më 31 dhjetor. Dëshiroj që të pyes zotërinjtë drejtorë, ministrin e shëndetësisë, financave, deri kur do vazhdojmë kështu”, tha Biljana Xhonova, e punësuar në institucion shëndetësorë.

“Dëshirojmë të dërgojmë një haber, të gjithë kërkesat tona nga gjithë sindikatat dhe shoqatat tona, kërkesat tona t’i lidhin në një leckë, t’i vendosin në programet zgjedhore, për shkak se kësaj here qytetarët do të ndjekin se çfarë ndodh në periudhën parazgjedhore. Ja unë publikisht them, ajo parti politike që do të lidhë kërkesat tona, do të japë afat, e jo si deri më tani. Kishin paraprakisht shfuqizimin e tarifës për energji elektrike, për tarifë të lirë nga ora 13 deri në orën 15, tani para zgjedhjeve po e kthejnë këtë tarifë”, theksoi Marjan Risteski, kryetar i KOSM.

“Policia për momentin, mund të dëgjojmë çfarë duam nëpër media, por jemi në dysheme, zero. Zero absolute, do t’ju them që 15 nëpunës policor largohen jo vetëm nga policia por nga Maqedonia, ikin edhe atë hedhin pasaportat. Shkojnë, punojnë, a pastrojnë kontejnerë, a pastrojnë tualete, apo ngasin kamion në vendet europiane. Ata janë jashtë asaj që e kanë vatër të përhershme. Ky është parametër i mjaftueshëm se si është gjendja”, tha Goce Dellçev, Sindikata e pavarur e policisë.

VIDEO:

/tv21