Pesë ditë nga zhdukja e 14 vjeçares, Spasovski: Po kërkojmë gjithkund! (VIDEO)

Ende nuk ka asnjë gjurmë nga 14 vjeçarja, Vanja Gjorçevska, e cila në mëngjesin e së hënës ishte nisur për në shkollë dhe nga ai moment është zhdukur dhe nuk ka asnjë informacion për të miturën se ku gjendet.

Për këtë rastë ka folur sot edhe ministri i Punëve të Brendshme, Oliver Spasovski, i cili theksoi se janë ndërrmarur masa intensive për gjetjen e vajzës. Në deklaratë për media pas vizitës në SPB Shkup, ministri Spasovski tha se janë marrë në pyetje dhjetëra persona dhe se po kontrollohen pajisjet elektronike të familjes dhe vajzës.

OLIVER SPASOVSKI,MINISTËR I PUNËVE TË BRENDSHME
“Është kontrolluar edhe shtrati i lumit Vardar, kontrollohen të gjitha hapësirat nëntokësore, jo vetëm në rrethinë, por edhe më gjerë. Po punohet edhe për marrjen e të dhënave nga kishat dhe manastiret në rrethinën e Shkupit dhe nuk do të ndalet me kaq, po punohet intensivisht”.

Ai iu falënderua edhe mediave për informimin objektiv dhe luftën kundër lajmeve të rreme, të cilat shpërndahen në mediat sociale.
Vanja është zhdukur të hënën në mëngjes në rrugën drejt shkollës. Sinjali i fundit nga telefoni i saj është humbur përballë sallës Universale në bulevardin “Aradhat partizane”. Ministria e Brendshme ka publikuar foton dhe përshkrimin e saj në listën e personave të zhdukur, ndërsa edhe Interpoli është në kërkim pas saj. Për të kanë informuar edhe një pjesë e mediave nga rajoni.

Ndërkaq, në tre vitet e fundit, gjashtë fëmijë nën moshën 14 vjeç janë të zhdukur në Maqedoninë e Veriut nuk janë gjetur ende. Sipas MPB-së, bëhet fjalë për fëmijë nga Prilepi, Gjevgjelia, Kumanova, Shtipi dhe dy fëmijë nga Shkupi, për të cilët ka pasur kërkim aktiv.

Për zhdukjen e fëmijës nga Prilepi ishte alarmuar i gjithë opinioni. Bëhet fjalë për Petar Jobeski, i cili u zhduk më 25 shkurt 2022, në fshatin Vrpsko. Në kohën kur u zhduk, ai ishte dhjetë vjeç.

Edhe vajza e zhdukur nga Kumanova, Elif Idiç, është zhdukur që nga viti 2022. Ajo ishte shtatë vjeç kur u zhduk. E zhdukur është edhe nëna e saj Sabina Sabedinovska.
Ndërsa katër fëmijët tjerë nën moshën 14 vjeçare, të zhdukur nga viti 2020 e deri më sot, nga të cilët dy janë nga Shkupi, një nga Gjevgjelia dhe një nga Shtipi dhe për të cilët kërkimi ishte aktiv, nuk janë publikuar në faqe. Kush janë dhe si duken, publiku i gjerë nuk e di.

MPB sqaron se publikimi në faqen e të zhdukurve, varet nga familjarët, pra duhet të kishin dhënë pëlqimin që të dashurit e tyre të shpallur në kërkim me foto dhe të dhëna bazë. Kërkimet janë aktive edhe për fëmijët nga vendi të zhdukur disa vite më parë dhe prej të cilëve nuk ka asnjë gjurmë.

VIDEO:

/shenja