Grubi: BDI-ja është e sigurt se do t’i fitojë zgjedhjet..(VIDEO)

Zv.kryeministri Artan Grubi tha se partia që përfaqëson ai, BDI-ja është e gatshme në zgjedhjet e ardhshme parlamentare të garojë bashkë me të gjitha subjektet që angazhohen për anëtarësimin e e Maqedonisë së Veriut në Bashkimin Evropian.

Grubi në një prononcim për gazetën LAJM, tha se BDI-ja është e sigurt se do t’i fitojë zgjedhjet në kampin politik shqiptar edhe nëse garon vetëm, por angazhohet për krijimin e një “fronti evropian” para zgjedhjeve, për të parandaluar bllokimin e rrugës evropiane të vendit.

“Jemi të hapur për të ndërtuar “frontin evropian” me të gjitha forcat politike që duan ta shohin Maqedoninë e Veriut të integruar në Bashkimin Evropian. Nëse ajo nënkupton edhe me LSDM-në edhe me LSDM-në, nëse ajo nënkupton me Aleancën për Shqiptarët, me Partinë Demokratike Shqiptare, me partinë e z. Arjanit Hoxha, me partinë e z.Rexhepi, me shoqërinë civile, me opinionist me të gjithë kontribuesit për një Maqedoni evropiane, atëherë edhe ashtu.

Por, jemi të gatshëm të përballemi në zgjedhje edhe edhe vetë, sepse BDI-ja në të gjitha sondazhet përfaqëson më shumë se 50% të trupit votues të shqiptarëve, por ne duam ta tejkalojmë vetëveten dhe të formojmë një “front evropian” që ta parandalojmë rrethin vicioz të bllokadave të këtij shteti edhe për 15-20 vitet tjera siç e kishim nga viti 2006-2017”, tha Grubi për gazetën LAJM.

VIDEO:

/tv21