Rapsodi Kërçovarë Argjend Lika prezenton këngën më të re Prof. Sulejman Elezi (VIDEO)

I dashur publik.
Të shtrenjtët artdashës.
Të vetëdijshëm se nuk jemi më të mirët në interpretim me nivel ndoshta të dëshiruar dhe sipas pritshmërive që keni.
Të bindur dhe se figurat e këtilla atdhetare meritojnë më tepër se veprat që arrijmë të realizojmë si bashkëvendas te Tyre.

Por duke u frikësuar nga lënia në harresë e njërës nga figurat më të ndritura të arsimit në rrethin tonë, morëm guximin që të thurim vargje-kënge, të cilat do të ripërpunohen dhe rikëndohen nga artistë më të kompletuar dhe arsimuar.

Prof. Sulejman Elezi flijoi vitet e rinisë nëpër burgje, duke flijuar familjen në mënyrë që rinia e atëhershme të pajiset me dituri, e cila kohën e tanishme reflekton liri.
Me këtë rast do të falenderoj tekst’shkruesin, kompozitorin, kameramanët dhe të gjithë stafin që ndihmuan në realizimin e këngë-veprës muzikore deri në këtë nivel.
22 Nëntori, në të gjitha hapsirat ku jetojnë dhe veprojnë shqiptarët, përkujtohet si dita e gjuhës, shkrimit dhe alfabetit të shqipes së lavdishme.

Sot, bëjmë promovimin e këngës së realizuar dhe kushtuar patriotit Sulejman Elezi, të cilin me dhjetra gjenerata e njohin si mësuesi i gjuhës dhe historisë lavdiplotë.
I përjetshëm kujtimi, për prof Sulejman Elezi.
Lavdi, jetës dhe veprës së Tij.
GËZUAR FESTAT E NËNTORIT !
Shkruan Argjent Lika në facebook duke prezentuar edhe këtë video.

VIDEO:

/ms