Kryqin mbi Kodrën e Diellit e ka sjellë lejleku Interesant! Nga Dr.prof Arbër Çeliku

Askush nuk e ditka se si paska mbërritur kryqi njëzet e ca metra i gjatë në Kodrën e Diellit; as pozita dhe as opozita në Komunën e Tetovës…
As pozita dhe as opozita shqiptare me ministrat e tyre në Qeverinë e RMV-së dhe as deputetët e pozitës dhe opozitës shqiptare në Parlament…

Për çudi, askush nuk e ditka!
Tani të gjithë do të kërkojnë përgjegjësi se si paska mbërritur Kryqi aty, duke thirrur seanca komunale, qeveritare e parlamentare, për të dëshmuar patriotizmin e tyre burlesk… Mbase do të organizojnë edhe ndonjë maskaradë si me kishën në Kalanë e Shkupit dhe tokmakun e Car Dushanit…
Do t’i lëshojnë edhe historianët, analistët dhe gazetarët e tyre të lehin qenqe nëpër mediume e rrjete sociale, për ta mprehur edhe një herë shpatën e Gjergj Elez Alisë …

Shtrohet pyetja: Nëse askush nuk e ditka, atëherë dikush duhet ta ketë sjellë kryqin aty…
Me siguri lejleku i vjeshtës-dimrit …
Të shohim, se çfarë do na pjellë ai në pranverë!

/ms