Tronditet Maqedonia, një person tenton të vrasë përmbaruesin dhe avokatin..!

Një banor i Gjevgjelisë ka tentuar të vrasë me armë një përmbarues dhe një avokat, me të cilët është takuar për të rregulluar mënyrën e shlyerjes së borxhit.
Ai është përleshur me avokatin dhe pasi i ka premtuar se nuk do ta denonconte është arratisur.

Prokuroria Themelore Publike në Gjevgjeli ka leeshuar urdhër për hetime ndaj këtij personi i cili më 29 tetor të këtij viti në zyrën e një permbaruesit në Gjevgjeli me dashje ka tentuar t’u marrë jetën dy personave të cilët i ka takuar sipas një marrëveshjen e mëparshme për të rregulluar mënyrën dhe afatin e pagesës së borxhit të tij.

Derisa po vazhdonte prezantimi i të dëmtuarit – avokatit, i dyshuari mbylli derën e zyrës, nxori një pistoletë dhe ia drejtoi kreditorit – personit të cilit i kishte borxh, transmeton Lideri.mk.

Pas reagimit të avokatit, i dyshuari ia ka drejtuar armën edhe atij, por avokati ka arritur ta kapë për dore të dyshuarin dhe t’ia drejtojë armën në dysheme, pas së cilës ka pasur një krismë dhe përleshje në dysheme.

Ndërkohë viktima tjetër dhe punonjësit e përmbarimit janë larguar nga dhoma. Gjatë përleshjes, i dyshuari ka tentuar të gjuajë sërish me armën. Pasi avokati i dëmtuar i ka premtuar të dyshuarit se nuk do ta denoncojnë, përleshja është ndërprerë dhe i dyshuari është larguar nga vendi i ngjarjes, thuhet në njoftimin e Prokurorisë, transmeton Lideri.mk.

Meqenëse ekzistojnë rrethana që tregojnë për rrezik të arratisjes së të dyshuarit, për shkak të frikës së bazuar se ai do të fshehë ose shkatërrojë gjurmët e veprës penale ose do të pengojë procedurën penale duke ndikuar mbi dëshmitarët, si dhe nga mundësia e përsëritjes së veprës penale, Prokurori publik kompetent parashtroi në Gjykatë dhe gjykata e pranoi propozimin për caktimin e masës së paraburgimit në kohëzgjatje prej 30 ditësh për të dyshuarin.
Ndaj personit ekziston dyshimi i bazuar se ka kryer veprën penale – Vrasje nga neni 123 paragrafi 3 në lidhje me nenin 19 të Kodit Penal.

/Lideri