Zgjimi i shqiptarëve të “harruar” të Sanxhakut në identitet, tek trungu i vetë

Amina Nuraj, është një vajzë e re shqiptare nga Sanxhaku e cila në buzë rrezikun e fundit për tu asimiluar, si studentë, kishte mësuar identitetin e trungut shqiptar, të familjes së sajë dhe shumë bashkëvendësve të cilët në këtë territor të administruar nga Serbia, janë shtypur ndër shekuj e dekada, janë përndjekur e keqtrajtuar, janë asimiluar dhe gjuhën e tyre shqipe me kalimin e kohës pothuajse e kanë harruar.

Ajo tash është një aktiviste e nderuar e angazhuar për rikthim të shqiptarëve të sanxhakut në identitet, pranimin dhe mësimin e gjuhës shqipe, zhvillimin dhe kultivimin e traditave shqiptare, e mbi të gjitha, luftën për fitimin e të drejtave në mësim të gjuhës shqipe dhe garantimit të të drejtave politike e demokratike të komunitetit, sipas ligjeve në letër që nuk zbatohen, por shqiptarët e këtij rajoni keqtrajtohen, diskriminohen dhe si pasojë janë në rrezik që edhe të asimilohen.

Amina ka filluar edhe një mision fisnik e patriotik, që veç kursit të cilin e organizon për mësimin e gjuhës nga të rinjtë e kësaj ane, ajo po zhvillon edhe intervista individuale, për ta dëshmuar se kush janë shqiptarët dhe sa janë në këtë anë, kundër të cilëve fatkeqësisht regjimi dhe historia e dhimbshme asnjëherë nuk kanë pushuar

Këtu po ju sjellim Intervistën me të riun Tarik Zahitoviq, shqiptar nga Sanxhaku e zhvilluar nga vetë Amina Nuraj
Amina Nuraj: Kush është Tarik Zahitoviq?
Tarik Zahitoviq: Unë jam Tariku, jetoj në Pazari i Ri, jam 22. Vjeç. Kam mbaruar shkollën e mesme ekonomike. Flas boshnjakisht dhe pak gjermanisht, bëjë tiktok dhe kam një sallon flokësh në Vjenë.

Amina Nuraj: Kur keni filluar të ndiheni shqiptar dhe kush ju ndihmoi në atë rrugë historike?
Tarik Zahitoviq: Që në moshën 14-vjeçare u ndjeva si shqiptar dhe gjatë rrugës babi më tha se kemi ardhur nga fisi i shqiptarëve SHALA.

Amina Nuraj: Në familjen tuaj je i vetmi që ndiheni si shqiptar apo ka anëtarë të tjerë në familjen tuaj?
Tarik Zahitoviq: Është ende e vështirë për të gjithë të mendojnë se për shkak se politika e ka bërë punën e saj, para së gjithash duhet të kemi gjuhën shqipe në shkollë sepse kjo do të na ndihmonte me kthimin kombin Shqiptar në Sanxhak.

Amina Nuraj: Çfarë përfaqëson Kosova dhe Shqipëria për ty?
Tarik Zahitoviq: Për mua Republika e Kosovës dhe Shqipëria përfaqësojnë një lidhje gjaku dhe të pathyeshme.

Amina Nuraj: A shihni Sanxhakun si pjesë të Republikës së Kosovës dhe Shqipërisë apo si pjesë të Serbisë?
Tarik Zahitoviq: Sanxhakun e shoh vetëm si pjesë të nënës Shqipëri.

Amina Nuraj: A e dini kush ishte Shaban Poluzha?
Tarik Zahitoviq: Shaban Poluzha është një hero për mua dhe një njeri për të cilin kam lexuar shumë. Unë pata fatin të takoj djalin e motrës së tij në Vjenë dhe jam në lidhjen të mira me të.

Amina Nuraj: A do të donte që Sanxhaku të kthehej të nëna e tij Shqipëri apo të qëndronte aty ku është tani?
Tarik Zahitoviq: Dëshira ime është që Sanxhaku të kthehet tek nënë e tij, Shqipëri.

Amina Nuraj: Dhe në fundi, si ndihet të jesh shqiptar në Sanxhak?
Tarik Zahitoviq: Është ndjenjë e bukur sepse e di që e ke mposhtur asimilimin serb dhe se mushkëritë e tua marrin frymë më lehtë, po është edhe frikshme sepse mbi krah e ke një shtet gjenocid. Rruga është e vështirë, por së bashku me ty do të fitojmë çdo gjë.

/ ms