Me ndryshimin e Kodit Penal, Gruevskit i vjetërsohet vepra “shoqërim kriminel” në rastin “Titanik”

Ish-kryeministri Nikolla Gruevski nuk do të gjykohet për veprën “shoqërim kriminel” në lëndën “Titanik” që ka të bëjë më parregullsitë zgjedhore për shkak se me ndryshimet e fundit në Kodin penal vepra i vjetërsohet, shkruan TV21. Vepra “shoqërim kriminel” para ndryshimeve ligjore parashihte dënim me burg deri në 10 vjet, ndërsa tani 3 vite burg.

“Titanik” është në procedurë të dëgjimit të dëshmitarëve, ndërsa prokurorja Lile Stefanova tha se në fjalët përfundimtare do të deklarojë se vepra “shoqërim kriminal” është vjetërsuar pas çka gjykata vetëm do ta konstatojë me qëllim që të mos ketë harxhime gjyqësore.

/tv21