“Po korruptohen të korruptuarit”, thotë Izet Mexhiti.!

Lideri i Lëvizjes Demokratike, Izet Mexhiti ka reaguar pas miratimit të ndryshimit të Kodit Penal, me të cilin parashihet ulje e dënimit të funksionarëve që kryejnë veprën penale “Keqpërdorim i detyrës dhe autorizimit zyrtar”, transmeton TV21.

Mexhiti thotë se me këtë ndryshim të Kodit Penal, “po korruptohen të korruptuarit për të mbajtur gjallë një pushtet të korruptuar”.
“Përderisa në njërën anë flasin e premtojnë veting të bartësve të funksioneve, nga ana tjetër hartojnë ligj për amnesti të funksionarëve të korruptuar (lexo: Nikolla Gruevskit).

Thjeshtë, kjo që po ndodh është korruptim i të korruptuarve për të mbajtur gjallë një pushtet të korruptuar!
P.s. NDRYSHIMI PO VJEN!
#lëviz“, shkroi Mexhiti në Facebook.

/tv21