Janë shitur për 244.000 euro 3 pronat e konfiskuara të Sasho Mijallkovit..

Agjencia për Menaxhim me Pronë të Konfiskuar njofton se tre prona të Konfiskuara të Sasho Mijallkovit janë shitur për 244.000 euro, përcjell TV21. Nga ky institucion thonë se shitja e të njëjtave është bërë përmes ankandit publik.
Në lidhje me: Do të shitet një pjesë e pasurisë së konfiskuar të Sasho Mijallkovit, këto janë pronat

“Buxheti i shtetit është rritur për 244000 euro. Agjencia për Menaxhim me Pronë të Konfiskuar realizoi me sukses shitjen e gjithsej 3 (tre) pasurive të paluajtshme të sekuestruara në përputhje me shpalljen publike për shitjen e pasurisë së konfiskuar, e cila u krye me ankand publik elektronik.

Gjegjësisht, bëhet fjalë për 3 pasuri të paluajtshme të cilat sipas aktvendimit të formës së prerë të gjykatës KOK – PP nr. 283/2022 i janë konfiskuar z. Sasho Mijalkov. Mjetet e realizuara nga shitja do të rrisin buxhetin e shtetit në vlerë të përgjithshme prej 15.000.500 denarë ose 244.000 euro”, thonë nga AMPK.

/tv21