EVN: Haraçina, Kërçova dhe Struga kanë humbje të vogla..!

Nga EVN Maqedoni thonë se humbjet më të mëdha të energjisë elektrike janë në qytetin e Shkupit, shkruan TV21. Nga kjo kompani theksojnë se humbjet nuk regjistrohen vetëm në qytete apo komuna ku është shumicë një përkatësi ernike.
“Për shembull Tetova ka humbje më të vogla se Manastiri, kështu që nuk është e lidhur kjo etnikisht. Dhe do të doja këtë, ja në periudhën e fundit ishte shumë prezent në media. Varet nga rajoni dhe nga shumë faktorë të tjerë, politikë, ekonomikë, por nuk është e lidhur etnikisht sikurse është treguar. Për shembull Kërçova dhe Struga kanë humbje të vogla”, tha mes tjerash Sasho Salltirovski, drejtor i EVN Distrubuimi Maqedoni.

Nga EVN shtojnë se përkundër raportimeve në media, në komunën e Haraçinës humbjet janë shumë më të vogla se në komuna tjera.
“Përkundrazi, në këto vendbanime numëruesit janë jashtë. Në Haraçinë numëruesit janë jashtë, dhe atje me siguri do të setohen për shkak se në të kaluarën ai projekt ka përfunduar, Haraçina ka 10 për qind humbje, në qershor dhe korrik, kështu që ai problem është zgjidhur atje, të gjithë numëruesit janë në rrugë, mund të shkoni dhe të kontrolloni. Në Haraçinë siç thash ka humbje prej 10 për qind, që është në nivel teknik të humbjeve dhe është një nga më të ulëtit në të gjithë Maqedoninë”, deklaroi Sasho Salltirovski, drejtor i EVN Distrubuimi Maqedoni.

Nga EVN thonë se edhe në Sllupçan po punohet në mënyrë intensive, me çka komuna e Likovës do të bëhet komuna e parë e mbuluar tërësisht me numratorë “smart” të energjisë elektrike.
“Në Sllupçan projekti po shkon mirë, tashmë po përfundon. Komuna e Likovës do të jetë komuna e parë në Maqedoni që do të mbulohet komplet me numratorë “smart” dhe e gjithë komuna me humbje nën 10 për qind.

Ne në Likovë punojmë më tepër se 10 vjet dhe siç thash do të jetë komuna e parë që do të mbulohet plotësisht, punojmë në shumë vende tjera, Gërçeci ishte i famshëm, e përfunduam, punojmë në Batincë, por që të jem korrekt deri në fund do të nisim projekte edhe në Draçevë, Lisiçe, do të thotë humbjet janë problem në të gjithë territorin e Maqedonisë, posaçërisht për Shkupin”, theksoi Sasho Salltirovski, drejtor i EVN Distrubuimi Maqedoni.

/tv21.tv