A do ketë ‘ngrirje’ të çmimeve në Maqedoninë e Veriut apo…?!

Ngrirjen e çmimeve të produkteve ushqimore bazë po e kërkon Organizata e Konsumatorëve (OKM).
Kryetarja e OKM-së, Marijana Lonçar Velkova, tha se ushqimi merr një pjesë të madhe të buxhetit të çdo familjeje dhe rritja e çmimit po godet xhepat e tyre.

Sipas Lonçar Velkovës, Komisioni për Mbrojtjen e Konkurrencës duhet të reagojë për të parë nëse ka rritje çmimesh.
“Ne e dimë që ngrirja e çmimeve është një masë populiste dhe se kemi një ekonomi tregu, por në situata të tilla nuk duhet të presim, duhet të dalim me një vlerësim të saktë dhe të marrim masa sepse është një barrë dhe në dëm të konsumatori.

Nuk mendoj se duhet të flasim as për ushqimet bazë. Për shkak të çmimeve të larta, shumë qytetarë blejnë produkte me cilësi më të ulët ose vlerë ushqyese më të ulët, dhe qasja në produktet ushqimore bazë është një e drejtë themelore e njeriut. Konsumatori duhet të ketë qasje në mallrat bazë të konsumit, veçanërisht ushqimin – qumësht, djathë, gjalpë,…”, theksoi Lonçar Velkova, duke iu përgjigjur pyetjeve të gazetarëve para prezantimit të Manualit për varfërinë energjetike në vend.

Por, biznesi është kundër ngrirjes së çmimeve. Ai beson se ka edhe masa të tjera me të cilat shteti mund të ndërhyjë për të zbutur goditjen e çmimeve dhe në këtë kuadër propozon uljen e taksave apo aktivizimin e rezervave të mallrave.
Ministri i Ekonomisë, Kreshnik Bekteshi, beson se ka mekanizma të tjerë, siç theksoi dje, përcaktimi i marzheve për produkte të caktuara.

Sipas tij, në kushtet e rritjeve të pajustifikuara të pakontrolluara të çmimeve, do të ishte mirë që të veprohej më rigorozisht, edhe me ndalimin e disa tregtarëve. Megjithatë, se çfarë masa do të ndërmerren do të varet nga analizat e institucioneve kompetente.

/(INA)