Çmime KATASTOROFË ! Qytetarët: Ne harxhojmë deri në 1000 denarë në dit vetëm për ushqim..! (VIDEO)

Vazhdon inflacioni dhe çmimet e larta të produkteve ushqimore në Maqedoninë e Veriut. Qytetarët ankohen se me të dalë në treg, për nevojat elementare harxhojnë së paku 500 deri në 1000 denarë.
“Varet kur dhe si. Ndonjëherë 500 ndonjëherë 1000. Më pak se kaq nuk mund të jetë. Sepse gjithçka është shtrenjtë, çmimet shkuan në jonormale. Nuk mund ta kuptosh se sa të mëdha janë dallimet në çmime prej para një muaji”.

“Varet kur dhe si. Në fund të ditës nuk më dalin 1000 denarë gjithsej për tre vakte ushqimi.
Për dimër a po përgatiteni?
Çfarë të përgatitem kur specat ende janë të shtrenjta. 100 denarë dhe 80 denarë. Do të shohim se çfarë do të bëjmë. Përndryshe një kohë bëja edhe 100 kavanozë ajvar”.

“Sa të holla harxhuat sot?
Një mijë denarë. Çmimet janë shumë të larta por çfarë të bëjmë, duhet të ushqehemi.
Cila do të ishte thirrja juaj për pushtetin? Çfarë masa duhet të ndërmarrin?

Thirrja ime për pushtetin, të shohë për të gjithë, jo vetëm për pasanikët, por edhe për klasën e mesme. Më herët kishte klasë të mesme, të gjithë ishim të kënaqur. Unë jam punëtore por kam qenë shumë e lumtur, edhe në pushime shkonim, edhe shtëpi kemi ndërtuar dhe kemi jetuar. E tani, derisa unë nuk heqë për bukë, por asgjë nuk mund të ndajë anash. Pleqëria erdhi, nesër mund të vdes, nuk kam çfarë t’u lë fëmijëve”.

Ministri i Ekonomisë Kreshnik Bekteshi, shprehet se do të bëhen analiza nëse ka nevojë për masa për parandalimin e rritjes së inflacionit.
“Në pjesën e inflacionit ka mundësi të mos ketë por mundet edhe që nesër të ketë masa, varësisht nga analizat që i marrim në baza ditore, edhe nga inspektorati shtetëror i tregut edhe nga ana e sektorit për tregti nga ana e ministrisë së ekonomisë”.

Për rritjen e çmimeve, dy ditë më parë zv.kryeministri i ekonomisë Fatmir Bytyqi, tha se prodhuesit nuk dëshirojnë rritje të çmimeve, por këtë e bëjnë me presion të tregtarëve. Bytyqi premtoi se nuk do të qëndrojë i heshtur ndaj siç tha, praktikave jolojale tregtare.

VIDEO:

/tv21