Maqedoni: Qytetarët ankohen për çmime të larta, tregtarët për shitje të pakët..(VIDEO)

Ikën mërgimtarët, ndërsa mbeten vetëm çmimet e larta. Televizioni Shenja gjatë ditës së sotme vizitoi njërin ndër tregjet më të frekuentuara, atë të “Bit Pazarit”, ku qytetarët ankohen për çmime të larta, siç thojnë ata, çmimet si në Evropë.

QYTETAR
“Çmimet si zakonisht shumë të larta, me menzi po dalim në krye me këto çmime, sidomos tash, koha e këtyrëve që janë, janë pak shtrejtë, po çfarë të bëjmë”

QYTETAR
“Çmimet janë të shtrejta, gjithçka shtrejtë, çfarë të blejsh këtu është shtrejtë, ja shife , katastrofë”
Për dallim nga qytetarët, tregtarët deklarojnë se çmimet janë normale, siç thonë ata, ashtu sikurse viteve të kaluara.

TREGTAR
“Çmimet janë normale, të njejta sikurse viteve të kaluara. Sipas rrogave këto çmime nuk janë të kapshme për qytetarët. Qeveria duhet të reagojë, që të rrisin rrogën mbi 800 euro për qytetarët, që të munden të egzistojnë”.
Një tregtare tjetër thotë se çmimet nuk janë të larta, pasi sipas saj, nuk ka shitje të mjaftueshme. E për këtë, ajo thot se kanë ndikuar edhe temperaturat e larta, e jo çmimet e larta.

TREGTARE
“Çmimet nuk janë edhe shumë të larta, por çmimi ka rënë jashtë mase, për arsye se edhe shitje nuk kemi. Mendojë se pak ndikon temperatura e lartë edhe pak njerëzit kanë ikur për pushime, çmimet janë shumë të ulëta, ama kur nuk ka punë, çfarë të bëjmë”.

Ndërkaq, disa ditë më herët, qeveria paralajmëroi rikthimin e masave për çmimet. Sipas tyre, në Maqedoninë e Veriut janë rritur çmimet e produkteve pas heqjes së masave që kishin të bënin me ngrirjen e çmimeve të produkteve bazë, përkatësisht për uljen e marzhës dhe Tatimit e Vlerës së Shtuar (TVSH). Rritje të çmimeve kanë paralajmëruar edhe prodhuesit, njëri ndër to është edhe sektori i blegtorisë, të cilët kanë njoftuar se nga 1 shtatori djathi do të shitet për 30 për qind më shtrenjtë.

VIDEO:

/shenja