Sulejmani: Regjistrimi i manipulua, shqiptarët janë 40 për qind..!

Profesori universitar Metush Sulejmani thotë për agjencinë e lajmeve INA se, regjistrimi i popullsisë në Maqedoni u manipulua, pasi që shqiptarët janë 40 për qind.
Sipas tij manipulimet dhe pabarazitë ndaj shqiptarëve janë në në gjitha fushat.
“Pabarazitë ndaj shqiptarëve janë edhe të natyrës ekonomike sepse edhe në këtë sferë kemi diskriminim ndaj shqiptarëve.Buxheti nuk ndahet proporcionalisht mes shqiptarëve dhe maqedonasëve.

Në pjesën shqiptare investimet janë shumë më të vogla, varfëria është më e madhe, ndërtimet infrastrukturore janë tepër të ngadalta dhe neglizhuese, psh:ndërtimi i autostradës Blacë-Shkup e shumë raste tjera. Edhe në aspektin politik ka pabarazi të mëdha sepse shqiptarët nuk trajtohen të barabartë me maqedonasit në ndërtimin dhe menaxhimin e proceseve politike.

Krejt kjo vjen si rezultat i falsifikimit të historisë së shqiptarëve duke i paraqitura ata si popull jo autokton por i ardhur nga malet (shih enciklopedinë e Maqedonisë që është plot urrejtje dhe paagjykime ndaj shqiptarëve). Këto falsifikime fillojnë që nga shtrembërimet historiko-arkeologjike të trashigimisë kulturore e deri te ato statistikore ku asnjëherë nuk është dhënë numri i sakt i shqiptarëve në Maqedoninë e Veriut.Një antropolog polak thot se nëse del në shesh e vërteta shqiptare atëherë shumë shtete do të dekompozohen. Të gjitha këto statistika kanë qenë joreale dhe politike sepse numri real i shqiptarëve është mbi 40%.

Nëse i rikthehemi pak regjistrimit të popullësisë dhe amvisërive të vitit 2011, siç është vrejtë edhe atëherë por edhe tani,kuptohet, duke u bazuar në memorien politike, ai regjistrim dështoi sepse kishte filluar me një metodologji më të mirë.Kur filluan të vërehen rezutatet që ishin në favor të shqiptarëve, regjistrimi u ndërpre dhe shtetit iu deshën më shumë se 10 vite të pregatitet për falsifikimin dhe mashtrimin e radhës me kusht që edhe për 10 vite të manipulohet politikisht me ta.

Këto falsifikime janë prezente edhe në fushën e trashigimisë kulturore ku me vetëdije politike pala maqedonase bënë shtrembërimin e artefakteve arkeologjike shqiptare si psh: Gjurmimet në Kalanë e Shkupit ku u zbuluan artefakte shqiptare”, është shprehur profesori Metush Sulejmani.

/(INA)