Rritje e numrit të emigrantëve nga Evropa në Zvicër..

47,200 persona kanë emigruar në Zvicër në gjysmën e parë të vitit 2023.
Kërkesa e fortë në tregun e punës dhe shkalla e ulët e papunësisë e shpjegojnë këtë rritje që filloi në vitin 2022.

Sekretariati Shtetëror për Migracionin njofton se duke marrë parasysh personat që kanë mbërritur në Zvicër dhe ata që janë larguar, rritja neto është 9,384 persona nga janari në qershor të këtij viti krahasuar me vitin 2022, shkruan RTS.

Migrimi neto i shtetasve të BE/EFTA-s u rrit veçanërisht me 7,849 persona, në një total prej 32,487 banorësh të përhershëm. Për vendet e treta, rritja është 1,535 individë me një popullsi totale rezidente prej 14,713 personash, përcjell albinfo.ch.

Në gjysmën e parë të vitit 2023, 45% e punëtorëve të huaj kishin një aktivitet fitimprurës afatshkurtër dhe 55% një punë të qëndrueshme.
Për sa u përket lejeve të qëndrimit me kuotë, në fund të qershorit 2023 ishin përdorur 41% e autorizimeve afatshkurtra dhe 41% e lejeve të qëndrimit. Shtetasit gjermanë, francezë, italianë, portugezë dhe spanjollë përbënin gjysmën e imigrimit për punësim fitimprurës në Zvicër, shkruan RTS.

/albinfo