Përmbytje në Nuremberg të Gjermanisë..! (VIDEO)

Një stuhi e fortë të enjten mbrëma shkaktoi përmbytje në qytetin jugor të Gjermanisë, Nuremberg.
Nga reshjet e shumta të shiut u bllokuan nënkalimet e veturat u zhytën nën ujë Nopitschstrasse në lagjen Schweinau.

Një familje me dy foshnja arriti të shpëtojë në minutat e fundit, derisa policia arriti tëë largojë qytetarët që kishin mbetur në veturat e mbuluara nga uji, shkruan Bild.de.
Forcat zjarrfikëse dhe shërbimi i shpëtimit janë në shkallë të gjerë duke kontrolluar mjetet e përmbytura me gomone.

Sipas brigadës së zjarrfikësve, stuhia përfshiu gjithë qytetin dhe pjesën e brendshme e qytetit të Steinbühl.
Brigada e zjarrfikësve nuk kishte marrë asnjë raportim për lëndime personale deri në mbrëmje.

Stuhia shpërtheu gjithashtu në Frankoninë e Epërme: brigada e zjarrfikësve dhe policia u vendosën edhe atje.
Një burrë u bllokua në makinën e tij nga një pemë e rrëzuar dhe u lëndua rëndë, përcjell albinfo.ch.

Operacionet e tjera të njësive emergjente ishin ishin kryesisht bodrumet e mbushura, pemët e thyera dhe nënkalimet e përmbytura, u njoftua nga autoritetet, shkruan Bild.de.
Deri në orën 20:00, vetëm brigada e zjarrfikësve në Nuremberg kishte regjistruar më shumë se 500 operacione.

Sipas një zëdhënësi të policisë, situata është qetësuar pak që atëherë dhe numri i thirrjeve të urgjencës ka rënë. Megjithatë, shërbimet e urgjencës kërkojnë që numri i urgjencës 112 të telefonohet vetëm në raste urgjente ekstreme. Linjat janë të mbingarkuara.

Në të njëjtën kohë, ekipet e shpëtimit u kërkojnë banorëve të Nurembergut të qëndrojnë në shtëpi.
“Rajoni është i prekur nga reshje të dendura shiu dhe stuhi. Ju lutemi qëndroni në shtëpi dhe thirrni #telefonat e urgjencës vetëm në raste urgjente absolute! Brigada e zjarrfikësve të #Nurembergut po punon pandërprerë për të riparuar dëmet”, thuhet në njoftim, përcjell albinfo.ch.

VIDEO:

/albinfo